Leximi i librave nga aplikacioni Book në iPhone
Tek aplikacioni Books , mund të përdorni skedat Reading Now dhe Library në fund të ekranit për të parë librat që po lexoni, librat që doni të lexoni, koleksionet e librave tuaj etj.
Reading Now: Prekeni për të hapur librat dhe audiolibrat që jeni duke lexuar aktualisht. Kaloni poshtë për të parë librat dhe audiolibrat që keni shtuar në koleksionin Want To Read dhe librat që u keni lexuar fragmente. Mund dhe të caktoni e ndiqni ecurinë e objektivave vjetore të leximit.
Library: Prekni për të parë të gjithë librat, audiolibrat, seritë dhe PDF-të që keni marrë nga Book Store apo që keni shtuar manualisht në bibliotekën tuaj. Mund të prekni Collections për t'i parë librat të renditur sipas koleksioneve, si p.sh. si Want to Read, My Samples, Audiobooks dhe Finished.
Leximi i një libri
Prekni skedën Reading Now ose Library, pastaj prekni një kopertinë për të hapur një libër. Përdorni gjestet dhe kontrollet për shfletim si më poshtë:
Kthimi i faqes: Prekni anën e djathtë të faqes ose rrëshqitni nga djathta në të majtë.
Kthimi pas te faqja e mëparshme: Prekni anën e majtë të faqes ose rrëshqitni nga e majta në të djathtë.
Vajtja në faqe të caktuara: Prekni faqen dhe lëvizni niveluesin në fund të ekranit majtas ose djathtas. Ose prekni dhe vendosni një numër faqeje, pastaj prekni numrin e faqes te rezultatet e kërkimit.
Mbyllja e një libri: Prekni mesin e faqes për të shfaqur komandat, pastaj prekni .
Ndryshimi i paraqitjes së tekstit dhe të ekranit
Prekni faqen, prekni , pastaj kryeni një nga më poshtë:
Përshtatja e ndriçimit të ekranit: Tërhiqni niveluesin majtas ose djathtas.
Ndryshimi i madhësisë së shkronjave: Prekni "A" e madhe për të zmadhuar shkronjat ose "A" e vogël për t'i zvogëluar.
Ndryshimi i shkronjave: Prekni Fonts për të zgjedhur një font tjetër.
Ndryshimi i ngjyrës së sfondit të faqes: Prekni një rreth me ngjyrë.
Errësimi i ekranit kur është errësirë: Aktivizoni Auto-Night Theme për të ndryshuar automatikisht ngjyrën e faqes dhe ndriçimin kur përdorni iBooks në kushte ndriçimi të ulët. (Jo të gjithë librat mbështesin Auto-Night Theme.)
Çaktivizimi i ndarjes në faqe: Aktivizoni Scrolling View për lëvizje të vazhduar përgjatë librit.
Shënimi i një faqeje
Kur mbyllni një libër, vendi ku e keni lënë ruhet automatikisht, nuk është nevoja të shtoni faqeshënues. Shënoni faqet ku dëshironi të ktheheni sërish.
Prekni për të shtuar një faqeshënues; prekeni sërish për të hequr faqeshënuesin.
Për të parë të gjithë faqeshënuesit tuaj, prekni , pastaj prekni Bookmarks.
Theksimi ose nënvizimi i tekstit
Prekni dhe mbani një fjalë, pastaj lëvizni pikat e kapjes për të rregulluar përzgjedhjen.
Prekni Highlight, pastaj prekni për të zgjedhur një ngjyrë theksimi apo për nënvizim.
Për të hequr një theksim apo nënvizim, prekni tekstin, pastaj prekni .
Për të parë të gjitha theksimet tuaja, prekni , pastaj prekni Notes.
Shtimi i një shënimi
Prekni dhe mbani një fjalë, pastaj lëvizni pikat e kapjes për të rregulluar përzgjedhjen.
Prekni Note, përdorni tastierën për të vendosur tekstin, pastaj prekni Done.
Për të parë të gjitha shënimet tuaja, prekni , pastaj prekni Notes. Rrëshqitni majtas te një shënim për ta fshirë.
Ndarja e një përzgjedhjeje
Mund të dërgoni përzgjedhje teksti duke përdorur AirDrop, Mail ose Messages, ose mund ta shtoni përzgjedhjen te Notes. Nëse libri është nga Book Store, me përzgjedhjen përfshihet automatikisht një lidhje drejt librit. (Ndarja mund të mos disponohet në të gjithë shtetet apo rajonet.)
Prekni dhe mbani një fjalë, pastaj lëvizni pikat e kapjes për të rregulluar përzgjedhjen.
Prekni Share, pastaj zgjidhni një mënyrë.
Mund dhe të dërgoni një lidhje për ta parë librin në Book Store. Prekni çfarëdo faqeje, prekni , pastaj prekni .
Hapja e të gjithë librave në të gjitha pajisjet tuaja
Për ta mbajtur të përditësuar informacionin në iPhone, iPad dhe iPod touch, identifikohuni me të njëjtën Apple ID në secilën pajisje, pastaj veproni si më poshtë:
Sinkronizimi i pozicionit të Reading, faqeshënuesve, shënimeve dhe theksimeve: Shkoni te Settings > [emri juaj] > iCloud, pastaj aktivizojini të dyja iCloud Drive dhe Books.
Sinkronizimi i Reading Now, Library dhe i koleksioneve: Shkoni te Settings > [emri juaj] > iCloud dhe aktivizojini të dyja iCloud Drive dhe Books. Pastaj shkoni te Settings > Books dhe aktivizoni Reading Now.
Shihni Konfigurimi i iCloud në iPhone, iPad, ose iPod touch.
Hapja e librave tuaj në Mac
Për të parë librat, audiolibrat dhe PDF tuaja në Mac, zgjidhni menynë Apple > System Preferences, pastaj kryeni një nga më poshtë:
macOS Catalina: Klikoni Apple ID, zgjidhni iCloud në shiritin anësor, më pas zgjidhni iCloud Drive. Klikoni Options, më pas zgjidhni Books.
macOS 10.14 ose versione më të hershme: Klikoni iCloud, pastaj zgjidhni iCloud Drive. Klikoni Options, më pas zgjidhni Books.
Për të parë koleksionet, faqeshënuesit, shënimet dhe theksimet në Mac, hapni Books, zgjidhni Preferences, klikoni General, pastaj zgjidhni "Sync collections, bookmarks, and highlights across devices".